سي باند . يوتلسات 5 غربا ....قنوات أوكا أفريكا

الموضوع في 'السى باند' بواسطة الخلود سات, بتاريخ ‏22 يوليو 2018.

  1. الخلود سات

    الخلود سات Administrator

    إنضم إلينا في:
    ‏17 فبراير 2018
    المشاركات:
    488
    الإعجابات المتلقاة:
    725
    نقاط الجائزة:
    93
    الجنس:
    ذكر
    سي باند
    يوتلسات 5 غربا
    قنوات أوكا أفريكا
    اولا
    السي باند هي عبارة عن عدسة تلتقط الاقمار والترددات البعيدة وهي تختلف عن الكيوباند العادية
    من حيث الحجم والتردد والاستقبال
    فهي مخصصة للاقمار الأفريقية لان ما زالت هناك دولا أفريقية تعمل بها حتى يومنا هذا
    وهذه النوعية من العدسات كانت تستخدم من زمان أيام الأطباق الكبيرة اول الناس عرفت مفهوم الدش
    وكان الحصول علي الاقمار والقنوات لا يتم الا عن طريق هذه العدسة وطبق كبير الحجم
    الي ان تم تصنيع الاطباق الصغيرة وعدسة الكيو باند السريعة في استقبال الاشارات وعدد القنوات ..اخذت وحلت محل العدسة السي واصبح المتعارف في الشرق الاوسط والمغرب العربي علي الكيوباند
    الي ان هناك دولا في اسيا والعمق الافريقي لديها أقمار لا تستقبل الا بواسطة عدسات السي باند كبيرة الحجم
    وتردداتها تبدأ پأربعة ارقام عكس الكيوباند 5 ارقام
    ثانيا
    عدسة السي باند يتم نركيبها علي الاطباق الكبيرة 180 وانت طالع
    يعني متر و120 لا ..160 جرب
    ثالثا
    يمكن استقبال الاقمار سنتر او مسطرة مع الكيو
    بمعنى
    ممكن حضرتك تركبها لوحدها خالص
    وممكن تركبها بجوار العدسة الكيو ..وممكن تركب علي يمين الكيو او علي يسار الكيو
    رابعا
    الفبرة ..والفبرة تعني فصل الرأسي عن الأفقي وهي قطعة صغيرة من السيراميك أو الزجاج أو الخشب تحشر خلف الغطا البلاستيكي للعدسة مباشرة ..وهناك أقمار تستقبل بالفبرة وهناك أقما لا تستقبل بالفبرة أي يجب نزعها للحصول علي اشارة القمر ..وهذه القطعة بحجم علبة الكبريت سمكها 3.5سم ..وعرضها 6سم وطولها 4سم تقريبا
    خامسا
    يجب ضبط مدار الكيو جيدا وتركيب العدسة من ناحية اليمين ولا يفصل بينها وبين الكيو الا الفلانشة الخاصة بالكيو ويمكن تركيبها بقفيز أو قطعة حديد ومسمارين 10 أو ما شابه ذلك
    سادسا
    قمرنا اليوم هو يوتلسات 5 غربا ...يقدر فارق المسافة بين العدستين ب4 درجات بمعني اذا كنت علي قمر ثور بالكيو باند اذن أنت علي يوتلسات 5 غربا
    هذا القمر يعد من أفضل الاقمار لانه يحتوي علي 4 قنوات اوكا افريكا الناقلة من الكاف مباشرة لكافة الأحداث الأفريقية وهذه القنوات مشفرة بيس وقت المباريات وأي شفرة بتنزل ليهم بتكون صالحة لاي فيد علي الكيو علي قمر يوتلسات 7 ويوتلسات 10
    سابعا
    للحصول علي اشارة قنوات أوكا افريقيا قف علي قمر ثور اذا كنت مركب عدسة السي يمين عدسة الكيو أما اذا كنت مركب عدسة السي يسار عدسة الكيو فقف علي قمر اكسبرس الشهير بقناة سوريا الناقلة من بي اوت مؤخرا
    قف واعمل بحث عشوائي علي السي هاينزل لحضرتك قنوات القمر
    ولكن يجب أن تعدل اضافة القمر من الداخل الي الصورة المتواجدة من ضمن الصور المرفوعة في البوست هاتخلي تردد ال LNB 05150
    كمان عاوز انوه عن حاجة مهمة جدا
    عدسة السي أحيانا تتفق مع ترددات وعدسات سي أخري ...واحيانا تختلف
    بمعني مش كل ما انت عاوز قمر سي تطلب تردد تضبط عليه لأن تردد القناة بيختلف من عدسة لعدسة وتقعد انت تلف وتدور حول نفسك
    أضمن طريقة لاستقبال القمر هو اضافة قمر سي والبحث عشوائي
    وللاضافة
    هاتدوس زرار اضافة قمر
    زاوية القمر 5
    اتجاه القمر غرب
    حزمة ترددية C
    كما هو موضح بالصور
    نيجي بقى لاخر خطوة
    فيه ناس بتجيب القمر ولا تستطيع الحصول علي اشارة اوكا
    هنا بقى أقول لحضرتك أول حاجة تعملها تبحث القمر عشوائي هاتنزل معاك قناة اسمها تلي ساحل. ودي اعلي اشارة واعلي تردد
    وبعدين تعطي الماتور تكة يسار يعني ناحية الاوربي ..تكة واحدة فقط
    وبعدين تروح معدل الفبرة من الداخل وتخليها عكس يعني الاتجاه من الشمال للجنوب مش عامودي
    بمعنى اعطي لشمس الصباح ظهرك وخلي اتجاه الفبرة من اليمين لليسار
    وابحث ان شاء الله تنزل معاك القنوات
    التردد اللي عندي لاوكا3748 .معدل الترميذ 29950
    افقي
    هتلاقيه في عدسات تانية 3791 أو 3780
    عشان كده بقولك ابحث عشوائي
    انا دايما بقف علي قمر ثور تردد 12015 30000 افقي
    بيجي معاي 93 بدي تكة واحدة بس بيبقى معاي 92
    وبروح علي 5 غرب قناة تلي ساحل بتبقى 93 واوكا 76 بس طبعا هي دلوقتي عندي 72 عشان وقت الظهر
    وكمان بتيجي معاي قناة الجابون باشارة 86
    يعني اخر حاجة احب اقولها
    ان عدسة السي باند غير متواجد الجديد منها في مصر ومكان بيعها جديد هاتكون في الخليج
    والمستعمل منها مع الفنيين او تابع اعلانات الفنيين ع الجروبات أو في سوق الخردة في السيدة زينب أو سوق الجمعة في الزقازيق أو هتلاقيها معروضة علي اوليكس مبيعات عبر الانترنت
    كمان عاوز أقول لحضرتك حاجة ان أفضل أقمار السي باند هو القمر يوتلسات 5 غرب
    ومن بعده 18 غرب لنقل دوري أبطال أفريقيا والكونفدرالية وأمم أفريقيا والبطولات العالمية
    وعلى فكرة دي مش اول مرة أكتب عن القمر
    من 4 سنوات مضت كتبت عن القمر وكل عام تقريبا بعمل منشور
    الموووضووع للمحترم الفاضل عووودة القاااضى
    اتركككمم مع الصوووووووور
    11.jpg 12.jpg 13.jpg 14.jpg 15.jpg 16.jpg 17.jpg 18.jpg
     
    أعجب بهذه المشاركة ahmed elbanna

مشاركة هذه الصفحة